- Информация о материале
- Автор: Валентина Цыренжапова
- Категория: Суг энеэлдэе
- Просмотров: 1434
Дүрбэтэйхэн Дарима гэр бүлынгөө фотоальбом хаража hуутараа эжыhээ hураба:
- Эжы, танай хажууда, сэбэр шарайтай хэн зогсоноб?
- Энэ шинии аба , - гэбэ эжынь.
Дарима нюдөө түхэреэн болгоод, эжынгээ шэхэндэ шэбэнэбэ.
- Тиигээ hаа тэрэ диван дээрэ хэбтэжэ байhан тарган хүн хэн бэ?
***
Айлай ганса эрхэ басаган хадамда гараад, нэгэтэ үглѳѳгүүр эжыдээ хонходобо:
- Эжы, энэ үбгэмни ходо урмагүй байнал, гэршүүхыемш эдинэгүй.
- Басагамни, сухалаа хүрэнгүй, үбгэндѳѳ яажа оролдожо эдеэ шанаһанаа хѳѳрыш даа. Тиихэдэш эдихэ байха.
- Аа, гэршүүхэ шанадаг юм гү?
***
Абань хүбүүгээ сэсэрлигhээ абаад, гэртээ ошожо ябанад.
- Аба, хоёр дээрэ гурбые нэмэхэдэ хэды болохоб?
- Хүбүүмни, ши өөрөө нэмэжэ шададаг ха юм ши, нэмыш даа.
- Үгы, шадахагүйб.
- Юундэ шадахагүй юмши?
- Бээлэйм hаалта хэнэ.
Валентина ЦЫРЕНЖАПОВА бэлдэбэ.
- Информация о материале
- Автор: Толон
- Категория: Суг энеэлдэе
- Просмотров: 1457
- Аба, аба, би бэшэ тантай шаргаар һолжорхоёо ошохогүйб!
- Абяа бү гара, шаргаяа шангаар тата!
Эхэнэрэй хөөрөөн:
- Yбгэеэ машинаар «хатайха» үзэлэй дуратай байдагби...
Һүхирхэ хашхарха, арбаганаха, шүдэеэ хабирха, бурхандаа зальбарха! Зүгөөр гэртээ ерээд, нэгэш тоосолдонгүй, абяа шэмээгүй аалихан болоод hуудаг: амиды мэндэ бусаhандаа баяртай!
- Информация о материале
- Автор: Толон
- Категория: Суг энеэлдэе
- Просмотров: 1393
Бишыхан Арсалан Григорий Лепсэй дуу дуулахые шагнажа зогсоһон аад, гэнтэ хэлэбэ:
- Саадигта иигэжэ хашхараа һаа, хараалгаха һэн…
Ниитын унаа соо. Балма хүгшэн нэрэ һурагүй жвачка жажалжа байһан хүбүүе гэтэн харашоод һууһанаа, тэрээндэ хэлэбэ:
- Юуншье гэжэ намайе бадашана юм аабзаш. Юрэдөө, юушье ойлгоногүйб даа.
- Информация о материале
- Автор: Нордоп БАБУЕВА.
- Категория: Суг энеэлдэе
- Просмотров: 1526
- Эжы, автобус соо нэгэ эхэнэртэ өөрынгөө һуури дурадхааб.
- М-мм. Һуугаа гү?
- Үгы, һуугаагүй.
- Тиихэдэнь ши яагаабши?
- Һөөргөө абынгаа үбэр дээрэ һуугааб.
***
Багша һурагшадтаа ондоо юртэмсын хүниие зураха даабари үгөө. Тиигээд Арюна басаган зурагайнгаа түлөө «хоёр» сэгнэлтэ абаба. Үшөө багшань дневник соонь иигэжэ бэшээ: «Ондоо юртэмсын зон иимэ байдаггүй!».
***
Нэгэ бүһэтэй хүнэй Одессэ ошохо поезддо һууха гэхэдэнь, вагон соо сүлөө һуури байбагүй. Тиихэдэнь тэрэ хүн мэхэ гаргаха гэжэ бодобо.
- Барихаб, барижал һалахаб! - гэжэ хэлэжэ байжа, урагша хойшоо ябаба.
- Хэниие? - гэжэ зон һураба.
- Сүүмхэ сооһоом могойм тэрьедэшоо…
Поезд соохи зоной һалхинда үлеэлгэһэн мэтэ үгы болоходо, тэрэ хүн хэбтээд унташаба. Үглөөгүүр һэреэд, проводнигһаа һураба:
- Одессэ дүтэлөө гү?
- Ямар Одессэ? Үсэгэлдэр нэгэ тэнэг хүнэй могой таби-хада, вагон поездһоо мулталаа һэн. Тиигээд лэ зогсоһоор зандаабди.
***
Нэгэ һамган гэртээ пивэ, хабшаахай, улаан загаһа абаһан ерээд, шэрээгээ бэлдэжэ эхилбэ. Тиигээд нүхэрһөө һурана:
- Футбол харанагүй гүш?
Ямар ушараар иимэ налгай хандаса, шэрээ бэлдэгдэнэб гэжэ ойлгоһон үбгэниинь асууна:
- Ехээр гү?
- Фара, бампер болон капот, - гэһэн харюу һамганһаа абаба.
Нордоп БАБУЕВА.
- Информация о материале
- Автор: Валентина ЦЫРЕНЖАПОВА.
- Категория: Суг энеэлдэе
- Просмотров: 1341
Эжынь хүбүүгээ хараана:
- Ши үнэхөөрөө поршоонхош. Хубсаhаа ямар муухай болгонобши? Поршоонхо гэжэ хэн бэ, мэдэнэ гүш?
- Мэдэнэ. Поршоонхо – гахайн хүбүүн.
***
Хүгшэн хүлөө үзүүлхэеэ докторто ороод хэлэнэ:
- Доктор, хүлни үбдэнэ лэ-ээ. Үбшэнhөөнь ядаад, гэшхэ-хэеэ айдаг болооб.
- Яахаб даа. Наян таба наhандаа хүлэйтнай үбдэхэнь зүбөөрөө, - гэбэ доктор.
- Үгы теэд, баруун хүлни баhал 85 наhа наhалбал даа, үбдэхэнь бараг лэ, - гэбэ хүгшөө.
***
Үдын хоол бариха hанаатай Баярма басаган телефоноо хараhан шэгтээ столой саана hууна.
Эжынь:
- Басагамни, ши 5 халбага саахар хайшан хэжэрхибэ гээшэбши? - гэжэ hураба.
- Эжы, би амтатайхан сайда дуратайб, - гэбэ Баярма.
- Ши 5 халбага саахар хайшан хэhэнээ ойлгоо гүш? - гэжэ эжынь үшөө дахин асууба.
- Би амтатайхан сайда дуратайб, - гэжэ Баярма телефоноо хараhан шэгтээ дабтаба.
- Басагамни, телефоноо хажуу тээшэнь табяад сайлыш, 5 халбага саахар бууза дээрээ хэжэрхёод байналши, - гэбэ эжынь.
Страница 5 из 7
