Агын тойрогhоо гарбалтай Арсалан Будажапов эндэ hая бүхэ барилдаагаар дэлхэйн чемпионадта 3-дахи hуури эзэлээ. Түс мүрысөөн сентябриин 10-hаа 18 болотор Сербиин Косово түб хотодо үнгэргэгдөө.

Сентябриин 16-да Агын түб стадион дээрэ hурагшадай хоорондо Улаан Одоной орденой кавалер Никон Комогорцевой дурасхаалта шангай түлөө футболоор XI нээмэл турнир үнгэргэгдөө.

Шэтын гүрэнэй конюшниин талмай дээрэ сентябриин 24-дэ болоһон Үбэр Байгалай хизаарай амбан захирагшын Кубогта хүртэхын түлөө мори урилдаанда Рио Вейзер гэжэ хээр азарга түрүүлжэ ерээ.

Сентябриин 23-да Ага тосхоной түб стадион дээрэ Үбэр Байгалай хизаарта тамирай 5 жэлэй хэмжээндэ болон Бүхэроссиин гүйдэлэй үдэрөөр, Агын Буряадай тойрогой 85 жэлэй ойгоор дашарамдуулан, хүнгэн атлетикээр тойрогой больницын шангай түлөө мүрысөөн 6-дахяа үнгэргэгдөө.