Официальный сайт Всебурятской газеты "Толон"

Информация о материале
Категория: Түүхэ
Просмотров: 426

1923 ондо Германида гаргагдаhан Leika фотоаппарат тон ехээр сэгнэгдэдэг. 

Энэ камера соо тусгаар ондоо юун байнаб гэжэ бодомжолхоор. Харюунь эли: тон хоморой шухаг зүйл ехэ үнэ сэнтэй байдаг юм. Тиимэhээ хоморой юумэ абахаяа урданай эдтэ дуратайшуул мүнгөө гамнадаггүй.
2018 ондо «ВестЛихт» гэhэн австрийска аукцион дээрэ нэрэеэ нюуhан хүн 1923 ондо гаргагдаhан Leika фотоаппарат 2 сая 970 мянган доллароор худалдажа абаа. Анха түрүүн оройдоол 25 иимэ фотоаппарат хэгдэһэн байна. Тиимэhээ сагай ошохо бүри үнэтэй болоно. Мүнөө 1923 оной гурбан лэ «Лейка» анханайнгаа түхэл алдаагүй, бүтэнөөр үлэhэн.

top10a.ru сайтhаа.

1 комментарий

Информация о материале
Категория: Һүүлэй һонин
Просмотров: 409

   Мэдээжэ поэт, уран зохёолшо, сурбалжалагша ябаһан, Агууехэ Эсэгын дайнай ветеран Дугаржап Жапхандаевай һаруул дурасхаалда зорюулагдажа, тэрэнэй тоонтодо - Дулдаргын аймагай Алхана нютагта хэмжээ ябуулга үнгэргэгдөө.

 

Дулдаргын аймагай сайтын фото.

Подробнее... Добавить комментарий

Информация о материале
Категория: Һүүлэй һонин
Просмотров: 1349

   Саха-Яхад ороной ажаһуугша Аман Одун велосипедээр холын газараар аяншалха дуратай юм. 

   Энэ удаа аяншалагша велосипедэй педаль эрьюулһээр, Агын тала хүрэжэ ерээ. Аман Одун апрелиин тэнгээр нютагһаа гаража, баруун урагшаа тэгүүлээ. Тэрэ аяншалгаяа «Тропа Тенгри» гэжэ нэрлэнхэй. Аян замдаа олон нютаг газарнуудта саг зуура тогтоһон, Нерюнгри, Тында, Могоча, Шэтэ хүрэһэн байна. Тэрэ майхан соо хоножо ябана. Унаа дээрээ майхан, газова плиткэ, матрац г.м. эгээл хэрэгтэй хэрэгсэлнүүдые абаад ябана. Буряад оронһоо наашаа гаража, Ага хүрэжэ, Аман Одун саашаа монгол туургата, Азиин бусад арадуудай ажаһуудаг нютагуудаар хүрэжэ, ажабайдалтайнь танилсаха хүсэлэнтэй.

Добавить комментарий

Информация о материале
Категория: Һүүлэй һонин
Просмотров: 327

   Норпол Очировай нэрэмжэтэ Могойтын аймагай номой санда уласхоорондын гэр бүлын жэлдэ зорюулагдажа, айл бүлэнэрэй хоорондо соёлой мүрысөөн эмхидхэгдээ. 

   Номой сангай мэргэжэлтэдэй эмхидхэһэн хэмжээ ябуулгада найман бүлэ хабаадажа, хүүгэдэй онтохонуудые, уран зохёол хэр мэдэнэбибди гэжэ харуулаа. «Мама, папа, я – читающая семья» гэһэн конкурсдо Александра Цынгуевагай гэр бүлэ бүхы шалгалтануудые эрхимээр дабажа, түрүүшын һуурида гараһан байна. Илагша бүлэ тосхоной номой сангай эгээл эдэбхитэй уншагшадай нэгэн гэжэ номой сангай мэргэжэлтэд тайлбарилна. Цынгуевтанай бүлэ ном эдэбхитэйгээр уншадагаараа олон айл бүлэнэртэ жэшээ болодог юм. 

Добавить комментарий

Информация о материале
Категория: Һүүлэй һонин
Просмотров: 355

Майн 14-дэ Агада һургуулиин мастерскойнуудай ба домоведениин кабинедүүдэй бүтээһэн эдэй аймаг хоорондын 23-дахи үзэсхэлэн-яармаг боложо, Агын тойрогой һуралсалай 45 эмхи хабаадаа. Гартаа дүйтэй һурагшад, технологиин багшанар ехэ ажал хэжэ, дархалһан эдлэл, гар бэлэг, зурагуудаа асаржа харуулһан байна. 

Үзэсхэлэндэ табяатай зарим бүтээлнүүдые жюриин гэшүүдэй хаража үрдеэгүй байхадань, хүн зон худалдажа абахаяа һанаа.

 

Жалсан Лубсандашиевай фото.

Подробнее... Добавить комментарий