Официальный сайт Всебурятской газеты "Толон"

Информация о материале
Категория: Уран зохеол
Просмотров: 432

Бүлэг хуhан соо, дүтэхэнэ
Бүхэли үдэршье hууха hэм.
Түйсөөр дүүрэн гүлзөөргэнэ
Түүгээд гэртээ бусаха hэм.
Эдеэд үзэхэдөө мэдэбэб:
Энэншье, тэрэншье амтатай.
Тиигэhээр сагаа үнгэргэбэб.
Теэд… түйсэм дүүрээдүй, яалтайб?

 

Арсалан Жамбалон.

Добавить комментарий

Информация о материале
Категория: Һуралсал
Просмотров: 602

 Дулдаргын аймагай «Дружба» гэhэн хүүгэдэй лагерьта амаралгын хаһын түрүүшын халаанда 110 үхибүүд 3 долоон хоногой туршада амарба. Иимэ элүүржүүлгын лагерьта хүүгэд ганса сасуутантаяа харилсадаг бэшэ, мүн бэеэ абаад ябажа һурадаг, зохёохы шадабаринуудаа мүлидэг.

Подробнее... 1 комментарий

Информация о материале
Категория: Барбаадай
Просмотров: 2074

   Хүндэтэ үхибүүд! Буряад зон хэр угhаа хойшо шубуудта дуратай, угаа ехээр хүндэлдэг байhан гэжэ мэдээжэ. Хун шубуун гарбалтай, хуһан модон сэргэтэй гэжэ хори буряадууд тухай хэлсэдэг. 

   Шубууд - манай баялиг

                                 Япон тохорюун.

   

Үбэр Байгалай хизаарта 250 гаран элдэб янзын шубууд ажамидардаг юм. Энэ болбол Зүүн Сибирьһээ 100 гаран янза шубуудаар үсөөн болоно гээшэ. Манай хизаарта 66 янза шубууд Улаан дэбтэртэ оруулагданхай. Шубуудай диилэнхи хубинь намартаа дулаан орон руу ошодог, хабартаа ниидэжэ ерэдэг. Борбилоогой түрэлэй шубууд эгээл олон юм. Шубууд ой модон, тайга соогуур, талаар, хада уулаар, уһанай хажуугаар байрладаг, уһан дээгүүр тамардаг гээд илгардаг. Зарим тэдыень нэрлэбэл, хара хилэн (чёрный аист), хун шубуун (лебедь), талын бүргэд (степной орёл), ёло шубуун (гриф), шонхор (кречет), нашан харсага (степная пустельга), япон тохорюун (японский журавль), тоодог (дрофа). Эдэ булта гүрэнэй харууһан доро байдаг, Улаан дэбтэртэ оруулагданхай.

Подробнее... Добавить комментарий

Информация о материале
Категория: Үетэн
Просмотров: 4510

   «Алтаргана» нааданай түүхэ иран, урдахи фестивальнуудай лауреадууд тухай дурсая. Буряад арадай урданай гүнзэгы удхатай дуунуудые дура сэдьхэл буляамаар, хүнэй зүрхэ уяруулмаар дууладаг, түрэлхиин, нютаг ороной заяаhан бэлиг шадабаритай Батомункуевтанай дууша гэр бүлэ тухай хөөрэхэе. 

Подробнее... Добавить комментарий

Информация о материале
Категория: Һүүлэй һонин
Просмотров: 297

   Июниин 25-да Улаан-Баатарта Монгол Уласай Юрэнхылэгшын тушаалдаа ороһоной ёһолол үнгэргэгдэжэ, июниин 9-эй һунгалтада олоной дуу абаһан Ухнаагийн Хүрэлсүх Халтмаагийн Баттулгын гарһаа түрын тамга абаба. 

   Монгол гүрэнэй 6-дахи юрэнхылэгшэ болоһон Хүрэлсүх угсаатанайнгаа үндэһэн сайбар дэгэл үмдөөд, Монголой Конституци дээрэ гараа табижа, арадтаа үнэн сэхээр алба хэхэ, гүрэнэйнгөө аюулгүйе, бэеэ даангиие хамгаалха, хүн зоной эрхэ сүлөө хүндэлхэ г.м. тухай тангариг үгөө.
Удаань түрын дуулал зэдэлээд, һунгагдаһан юрэнхылэгшэ үгэ абажа, саашадаашье арадшалалга болон хуули сахилга хүгжөөхэ бодолнуудтаяа хубаалдаа гээд centralazia.media сайт мэдээсэнэ.

Добавить комментарий