Официальный сайт Всебурятской газеты "Толон"

Информация о материале
Категория: Суг энеэлдэе
Просмотров: 1798

Эжынь хүбүүгээ хараана:
- Ши үнэхөөрөө поршоонхош. Хубсаhаа ямар муухай болгонобши? Поршоонхо гэжэ хэн бэ, мэдэнэ гүш?
- Мэдэнэ. Поршоонхо – гахайн хүбүүн. 

                                                       *** 

Хүгшэн хүлөө үзүүлхэеэ докторто ороод хэлэнэ:
- Доктор, хүлни үбдэнэ лэ-ээ. Үбшэнhөөнь ядаад, гэшхэ-хэеэ айдаг болооб.
- Яахаб даа. Наян таба наhандаа хүлэйтнай үбдэхэнь зүбөөрөө, - гэбэ доктор.
- Үгы теэд, баруун хүлни баhал 85 наhа наhалбал даа, үбдэхэнь бараг лэ, - гэбэ хүгшөө. 

                                                       *** 

Үдын хоол бариха hанаатай Баярма басаган телефоноо хараhан шэгтээ столой саана hууна.
Эжынь:
- Басагамни, ши 5 халбага саахар хайшан хэжэрхибэ гээшэбши? - гэжэ hураба.
- Эжы, би амтатайхан сайда дуратайб, - гэбэ Баярма.
- Ши 5 халбага саахар хайшан хэhэнээ ойлгоо гүш? - гэжэ эжынь үшөө дахин асууба.
- Би амтатайхан сайда дуратайб, - гэжэ Баярма телефоноо хараhан шэгтээ дабтаба.
- Басагамни, телефоноо хажуу тээшэнь табяад сайлыш, 5 халбага саахар бууза дээрээ хэжэрхёод байналши, - гэбэ эжынь.  

Добавить комментарий

Информация о материале
Категория: Һүүлэй һонин
Просмотров: 4701

«Хила» хүдөө hууринай «Улаалзай» аман зохёолой ансамбль Ханты-Мансийск хотодо үнгэргэгдэhэн бүхэроссиин үндэhэн соёлой «Возьмёмся за руки, друзья!» фестивалиин илагшад болоо.

Ханты-Мансийскын тойрогой арадай уран урлалай байшанда бүхэроссиин үндэhэн соёлой фестивалиин дүнгүүд татагдаа. Россиин Федерациин 3 орон нютагhаа болон 14 муниципальна байгуулалтаhаа фестивальда хабаадаха 290 мэдүүлгэ ороhон байна.

Мүнөө жэл 10-дахяа үнгэргэгдэhэн фестивальда бү-хыдөө 10 можоhоо, Хакаси, Татарстан ба Крымһээ дүн хамта 2485 хүн хабаадаа.

Тус фестивальда Могойтын аймагай «Хила» hууринай «Улаалзай» аман зохёолой бүлгэм (хүтэлбэрилэгшэнь – Б.Загдаева ) хабаадаа. Тэдэ конкурсын «Обрядовый, игровой фольклор» янзада видео-материал эльгээhэн байна.

Тус ансамбль «Очищение огнём» ёhолол дурадхаа. Видео-буулгабари байгаалиин оршондо хэгдэжэ, ёохороор дүүрээ юм. Аман зохёолой бүхы бүлгэмэйхид урма зоригтойгоор наадаа, дуулаашье, булта эдэбхитэйгээр хабаадаhан байна.

Фестивалиин дүнгүүдээр, «Хила» хүдөө hууринай «Улаалзай» аман зохёолой бүлгэм 1-дэхи шатын лауреат боложо, Ханты-Мансийск хотодо 2022 оной февраль hарада үндэhэтэнэй нэгэдэлэй бүхэроссиин форумой хэмжээндэ үнгэргэгдэхэ Гала-концертдэ хабаадахаяа уригдаа.

Добавить комментарий

Информация о материале
Категория: Һүүлэй һонин
Просмотров: 212

Шоумен, артист, үhэ хайшалалгын урлалаар Бүхэдэлхэйн ба Европын абарга Сергей Зверев Буряад Уласhаа Гүрэнэй Дүүмэдэ һунгалтада хабаадахаар дэбжүүлэгдэбэ. 

«Зелёные» гэhэн экологическа партиһаа дэбжүүлэгдэһэн Сергей Зверев өөр тухайгаа анкетэ соо иигэжэ бэшэһэн байна: «Ажаhуудаг газар – Москва, ажал хүдэлмэри – гэрэй эзэн». Yшөө тэрэ: «Гүрэнэй Дүүмэдэ һунгалтада хабаадаха тушаа шиидхэбэри абахань намда ехэ бэлэн бэшэ байгаа. Би эндэ түрэһэн хадаа шадаха зэргээрээ тоонто нютагтаа туһа хүргэхэ бэлэнби», - гэжэ хэлэһэн байна.

Yнэн дээрээ суута стилист үшөө үнгэрэгшэ жэлһээ өөрынгөө пиар компани ябуулжа эхилэнхэй. Тэрэ Москва хотын Улаан талмай дээрэ ба Байгал далайн эрьедэ Байгалые хамгаалгын пикедүүдые эмхидхэһэн ушартай.

Сергей Зверев Түнхэнэй аймагай Гужиры нютагта түрэһэн. Улаан-Үдэ хото ерэхэдээ, тэрэ заабол Ивалгын дасан бараалхажа, XII бандида лама Этигэлэй хамбада мүргэдэг, Дамба Аюшеевтэй уулзадаг заншалтай.

Добавить комментарий

Информация о материале
Категория: Һүүлэй һонин
Просмотров: 252

   Энэ зун хура бороотой байжа, хаа-хаанагүй гол горход үерлэжэ, зондо, амитадта хойшолонгуудые асарна.

Подробнее... Добавить комментарий

Информация о материале
Категория: Һүүлэй һонин
Просмотров: 254

Минэконом Забайкалья окажет помощь пострадавшим от паводков предпринимателям.
Предприниматели Забайкальского края, которые столкнулись с проблемой работы своего бизнеса во время паводков, могут обратиться для поиска решения в Минис-терство экономического развития региона.
«Сейчас несколько районов Забайкалья подтоплены паводками. Многие владельцы магазинов столкнулись с проблемой невозможности доставить товары, обеспечить доступ покупателей в магазин. Также есть и ряд других важных объектов бизнеса, которые должны работать бесперебойно. Мы готовы помочь найти решение проблем пострадавшим от паводков бизнесменам», - сказал зампред правительства Александр Бардалеев.

Подробнее... Добавить комментарий