Официальный сайт Всебурятской газеты "Толон"

Информация о материале
Категория: Суг энеэлдэе
Просмотров: 1943

- Эжы, автобус соо нэгэ эхэнэртэ өөрынгөө һуури дурадхааб.
- М-мм. Һуугаа гү?
- Үгы, һуугаагүй.
- Тиихэдэнь ши яагаабши?
- Һөөргөө абынгаа үбэр дээрэ һуугааб.

***
Багша һурагшадтаа ондоо юртэмсын хүниие зураха даабари үгөө. Тиигээд Арюна басаган зурагайнгаа түлөө «хоёр» сэгнэлтэ абаба. Үшөө багшань дневник соонь иигэжэ бэшээ: «Ондоо юртэмсын зон иимэ байдаггүй!».

***
Нэгэ бүһэтэй хүнэй Одессэ ошохо поезддо һууха гэхэдэнь, вагон соо сүлөө һуури байбагүй. Тиихэдэнь тэрэ хүн мэхэ гаргаха гэжэ бодобо.
- Барихаб, барижал һалахаб! - гэжэ хэлэжэ байжа, урагша хойшоо ябаба.
- Хэниие? - гэжэ зон һураба.
- Сүүмхэ сооһоом могойм тэрьедэшоо…
Поезд соохи зоной һалхинда үлеэлгэһэн мэтэ үгы болоходо, тэрэ хүн хэбтээд унташаба. Үглөөгүүр һэреэд, проводнигһаа һураба:
- Одессэ дүтэлөө гү?
- Ямар Одессэ? Үсэгэлдэр нэгэ тэнэг хүнэй могой таби-хада, вагон поездһоо мулталаа һэн. Тиигээд лэ зогсоһоор зандаабди. 

***
Нэгэ һамган гэртээ пивэ, хабшаахай, улаан загаһа абаһан ерээд, шэрээгээ бэлдэжэ эхилбэ. Тиигээд нүхэрһөө һурана:
- Футбол харанагүй гүш?
Ямар ушараар иимэ налгай хандаса, шэрээ бэлдэгдэнэб гэжэ ойлгоһон үбгэниинь асууна:
- Ехээр гү?
- Фара, бампер болон капот, - гэһэн харюу һамганһаа абаба. 

 

Нордоп БАБУЕВА.

Добавить комментарий

Информация о материале
Категория: Дунгар
Просмотров: 669

   Үльгэр домогто Шамбала орон бүхы юумэндэ амидарал үгэдэг гэжэ тоологдодог. Домогоор, Шамбала руу ородог гурбан газар бии: Түбэдтэ, Алтайн Белуха хадада болон Монголой элһэн губида. 

Подробнее... Добавить комментарий

Информация о материале
Категория: Дунгар
Просмотров: 637

   Хальмаг Республикын Яшкульска аймагай Чилгир тосхондо Бельтеев Мэргэн ламын ударидалга доро Чойжал сахюусанай дуган баригдажа байна.

Подробнее... Добавить комментарий

Информация о материале
Категория: Дунгар
Просмотров: 586

   Байгша ондо Тувагай нангин шүтөөнэй Догээ хада дээрэ Будда Шэгэмүүни бурханай алталмал дүрсэ бодхоогдохо.

   һууринь 12 метр үндэртэй, өөрөө хүшөө 9 метр үндэртэй байха. Шүн болгожо, шажанай 333 боти ном, арюун газарай шорой, үнэтэ шулуунууд г.м. орохо түсэбтэй.
   Тувагай һүүлшын һонинуудай нэгэн гэхэдэ, Кызыл шадар, Томо ба Бага Енисейн уулзуурта, Хавырга хада дээрэ баһа Бурхан багшын дүрсэ бодхоогдохо юм.
   «Центр камня» гэжэ Россиин шулуунай һалбариин үйлэдбэринүүдэй Ассоциациин болон Россиин Федерациин хамгаалгын хүтэлбэриин үндэһэн түбэй мэргэжэлтэд тус хэрэгтэ туһа үзүүлнэ. Дүрсэдэ 15 гектар талмай үгтэһэн. Гадна Бурхан багшын хажууда нигүүлэсхы сэдьхэлэй бурхан - Ногоон Дара эхын дүрсэ тодхохоор түсэблэгдэнэ.

   Нордоп БАБУЕВА.

Добавить комментарий

Информация о материале
Категория: Һүүлэй һонин
Просмотров: 256

   «Опора России» гэhэн бага ба дунда олзын хэрэг эрхилэлгэ дэмжэхэ, хүгжөөхэ үүргэтэй эмхиин президент Александр Калинин бандида хамба лама Дамба Аюшеевтэй уулзаба.

  Александр Калинин Буряад орон ерэхэ бүхэндөө Ивалгын дасан хүрэжэ, гороо хээд, хамба лама Дамба Аюшеевтэй уулзаад, хамба лама Этигиловтэ hүгэдэн мүргөөд ошодог.
«Опора России» эмхиин зүгhөө Александр Калинин хандиб үргэжэ, 100 мянган түхэригэй сертификат хамба ламада барюулаа. Энэ мүнгэн тэндэ бодхоогдожо байhан гол дуганда гаргашалагдаха юм.

   Валентина ЦЫРЕНЖАПОВА.

Добавить комментарий