Эндэ һая нэгэ дасанай рамнайда ябаабди.
Зон олон: лама санаартан, айлшад, хүгшэн, залуушье хүнүүд, сэтгүүлшэд… Арад зон гоёор хубсаланхай, хүхюутэй, булта нэгэ һанаатай - дэмбэрэлтэй ушар боложо байна гэжэ эли.
Забһарлалгын үедэ газаашаа гараад шэртэхэдэмнай, илангаяа үндэһэн буряад хубсаһатай зон ехэ һайханаар, зохидхоноор харагдана. Тэдээн соо шэнэхээнэйхид, Монголһоо ерэһэн хүнүүд тон эли, ёһо гурим соонь хубсаһаа үмдэнхэйнүүд. Мүн буряадууд соомнайшье үндэһэн буряад хубсаһатай зон олон.
Гэнтэ хажуудам ябаһан нүхэрни нэгэ тээшээ заан харуулба: толгойдоо эреэн пулаад боонхой, һамган дэгэл үмдэһэн, дэгэл дороо брюкэ үмдэтэй, богони түриитэй гуталтай дүшѳѳд наһанай эхэнэрнүүдые хараад сошохоор байба. Буряадууд гээшэ гүбди, али сэгээнгүүд гү гэжэ һанахаар. Энеэхэ гэхэдээ, хүсэлбэгүйб, уйлаха гэхэдээ, аргагүйб, дүрэ зураг хэхэ гэхэдээ, зүрхэлбэгүйб, аягүй! Буряад хубсаһаяа дээрэ үргэн, ёһо гурим соонь, зүбѳѳр үмдѳѳд ябаял, буряадууд!
Дэлгэрэнгыгээр 43-дахи дугаарта.
