Баир ламхай дасандаа буянта алба хаахын хажуугаар Дулдаргын аймагай Зүблэлэй депутадаар ажалладаг. Бидэнтэй хөөрэлдэхэ сүлөө забдагүйшье һаа, хэлхеэ холбоогой утаһаар дасанай ажабайдал тухай хѳѳрэжэ үгэһэн байна.
   Yзөөнэй дасан тойрогойнгоо бэшэ дасангуудта орходоо залуушье hаа, урданай баян түүхэтэй. Буддын шажанай дээдэ hургуулитай санаартан ажалладаг. Ламанар, хубарагууд үдэр бүхэндэ бага хуралаа хуража, буянта ажалаа ябуулдаг. Мүнөө балин бүтээхэ ажал ябана. Монгол литын ёhоор, хуралнуудаа таhалдуулангүй хурана. Доодо Элеэhээ баруун тээшэ Уржин-Хандада зорюулагдажа, даяанай түб баригдаhан. Тэндэ ламанар бисалгалда hуудаг болохо. Гунгарбаа табигдаhан. Ивалга дээрэ дасанай хэдэн хубарагууд амжалтатай hурадаг. Дасанай комплексдо Отошын, Сахюусанай, Мааниин, Согшон дугангууд ороно. Согшон дуган соо Сагаан заанай дүрсэ тэргэ дээрэ табигданхай. Сагаан заанаа Ехэ хуралнуудай үедэ гаргадаг. Тарбалжа hууринда өөрын филиалтай. Санаартан тиишээ ошожо, хурал хурадаг гуримтай. Хэрын, Акшаагай, Дулдаргын аймагуудай олон нютагуудhаа hүзэгшэд, жиндагууд мүргэхэеэ ерэжэ, буян үйлэдэдэг байха юм. Мүнөө дасанда 6 ламанар алба хаана. Жэл бүри жиндагуудаар олон боложол байдаг.

You have no rights to post comments