Энэ жэл тойрогой малшад үмсэ хамтагүй 60 гаран мянган хурьга абахаар хараа түсэб табина. Апрелиин 25-ай байдалаар, малшад хори гаран мянган хурьга абаад байна. Абаһан нарай малаа бүрин бүтэн үлөөхэ зорилго хүдөө ажахынхидта табигдана бшуу.
Малай аргашад малай халдабарита үбшэнгүүдтэ дайрагдахагүйн тула тарилгануудые хэнэ. Хизаар дотор шүлхы (ящур), галзуу (бешенство) үбшэнгүүд дэлгэрээд байна. Шоно, зээрэнгүүд, үнэгэн ба бусад зэрлиг амитад халдабарита үбшэнгүүдые малда халдахаадагынь эли.
Тиихэдэ тойрогой 14979 гектар талмайда 10890 гектар орооһото культуранууд, 4089 га зелёнко ба бусад тэжээлэй ургамалнууд таригдахаар хараалагдана. Ажахынуудта 208 тонно минеральна үтэгжүүлгэ хэрэгтэй.

You have no rights to post comments