"Алхана" үндэһэн паркын угтамжын тэмдэг.
Алхана уулын үндэр мундарганууд, хабсагай шулуунуудай хоорондо хороһон байгаалиин нюусанууд, агы нүхэнүүд соохи бурхадай дүрсэнүүд, тэдэнэй урда тээ бадаржа байһан зуланууд, маани мэгзэм бэшээтэй шулуунууд, харьялан урдадаг аршаанууд - эдэ бүгэдэ арад зоной һонирхол татаһаар зандаа.
Ааяма халуун зунай хаһада хэдэн мянган аяншалагшадай Алханын аршаан ябажа, бэе тамираа һэргээгээд ошодогынь эли. Бүхэли зун Алханада хүл хѳѳрсэг байдаг һаа, үбэлдѳѳ тад ондоо байдал үзэгдэдэг байна.
Үбэл - эгээ гоё һайхан саг. Бүхы юумэн үбэлэй аминда абтажа, агшан зуура тогтоһон шэнги. Алхана баабай зунһаа амаржа, хүсэ шадалаа тэхэрюулжэ байһан мэтэ үзэгдэнэ. Тээ тэндэ гансал хүрѳѳгүй аршаанай шолшогоноон, модондо һууһан шубуунай абяан дуулдана... Энээхэн сагта Алхана бүришье шэмээгүй байгаалиингаа бүхы шэмэгээ маанадта харуулжа байһандал үзэгдэнэ. Ааляар... ааляар... Бү шууягты! Алхана баабай амаржа байнал!...
Үзэмжэ һайхан байгаалитай Алханамнай ямаршье сагта энэ һайхан шэмэгээ алдангүй, хэтэ мүнхэдѳѳ маанадаа угтажал байхань болтогой!
Дэлгэрэнгыгээр 1-2-дохи дугаарта.
