Хабартаа һүжэрдэг түймэртэй тэмсэхэ, тэрээниие hэргылжэ байхын тула тойрогой хүдөө нютагуудай ба тосхонгуудай хоорондо заншалта харалга-конкурс мартын 17-до үнгэргэгдөө.
Сагаан-Шулуутайн һайн түймэр сарагшад.
Харалга-конкурс 1999 онhоо хойшо эмхидхэгдэжэ, мүнөө хабар 18-дахяа үнгэргэгдэбэ. Энэ жэлэй хэмжээ ябуулга Дулдарга, Амидхааша һуурингуудта, Могойто тосхондо үнгэргэгдэhэн байна. Заншалта харалгада хизаарай МЧС-эй гол хүтэлбэриин даргын уялга дүүргэгшэ Олег Скопич, хизаарай гүрэнэй ойн албанай, хизаарай ажаhуугшадые хамгаалгын ба түймэрэй аюулгүйе сахиха (ГО ба ЧС) департаментын дарга Фёдор Кургузкин, «Противопожарная служба Забайкальского края» гүрэнэй эмхиин директор Владимир Епифанцев гэгшэд хабаадаа. Тойрогой Захиргаанай хүтэлбэрилэгшэ Бато Доржиев зүблөө ба харалгануудые хүтэлѳѳ. «О готовности сил и средств Агинского окружного звена территориальной подсистемы РСЧС Забайкальского края к пожароопасному сезону 2017 года» гэhэн шухала сэдэбтэ зорюулагдажа, элидхэлнүүд шагнагдаа. Тойрогой гурбан аймагай КЧС-эй түрүүлэгшэнэр, хүдөө һуурингуудай захиргаануудай толгойлогшонор, гүрэнэй эмхи зургаануудай хүтэлбэрилэгшэд түймэр саралгада хэр зэргэ бэлэн байhанаа харуулжа, элидхэлнүүдые хээ.
Дэлгэрэнгыгээр 12-дохи дугаарта.
