Эндэ һая Агын хүүгэдэй уран урлалай байшан соо “Агамни – шамдаа” гэһэн шүлэгшэдэй мүрысѳѳн тойрогой хэмжээндэ эмхидхэгдээ.
Энэ хэмжээ ябуулгада Агын, Могойтын, Дулдаргын аймагуудһаа болон Ага тосхонһоо 45 хүүгэд суглараад, 4 бүлэг боложо хубаараа. Жюриин гэшүүд шүлэгэй мүрысѳѳндэ, нэн түрүүн, сэбэрээр буряадаар хэлэлгэ, уран зохёол удха шанартайгаар уншалга, шагнагшадые һонирхуулха арга болон наадаха шадабари сэгнээ. Удаань буряад үндэһэн хубсаһатай хүүгэд тайзан дээрэ гаража, мэдээжэ уран зохёолшодой шүлэгүүдые уянгата һайнаар уншаа. Шанга тулалдаанай дүнгүүдээр, 1-4-дэхи ангинуудай һурагшадай дунда Тугшанай дунда һургуулиин Б.Данжинов 3-дахи, Зугаалайн дунда һургуулиин Д.Цырендашиева 2-дохи, түрүүшын һуури Хүһѳѳшын дунда C. Будаев һургуулиин С.Будаев эзэлээ юм. 5-6-дахи ангинуудай һурагшадай хоорондо Уртын дунда һургуулиин Ц.Эрдынеева - 3-дахи, Агын 2-дохи дунда һургуулиин Я.Барадиева - 2-дохи, Урда-Агын дунда һургуулиин А.Самбуев 1-дэхи һууринуудта гараа. 7-8-дахи ангинуудай һурагшадай хоорондо Агын 4-дэхи дунда һургуулиин Б.Намжилова, Шулуутайн дунда һургуулиин А.Жигмитова 3-дахи һуури хубаагаа, Агын тойрогой гимнази-интернадай В.Чимитова 2-дохи һуури, түрүүшын һуури Могойтын 2-дохи дунда һургуулиин Т.Нимацыренов гэгшэд эзэлээ 9-11-дэхи ангинуудай һурагшадай хоорондо Сагаан-Уулын дунда һургуулиин Ж.Удаев, Хойто-Агын дунда һургуулиин Б.Мункуев 3-дахи һуури, Агын 3-дахи дунда һургуулиин М.Лупсанова, Уртын дунда һургуулиин Н.Уржинова гэгшэд 2-дохи һуури хубаагаа, Агын тойрогой гимнази-интернадай Г.Цэдашиева түрүүшын һуурида гараа.
Дэлгэрэнгыгээр 42 - дэхи дугаарта.
