Агын телерадиокомпаниин шанда хүртэхын түлѳѳ тойрогой теннисистнүүд 31-дэхеэ сугларба.
Гансал тойрогой тамиршадай хабаадаха эрилтэтэй хаамал мүрысѳѳн энэ удаа Агын телерадиокомпаниин байгуулагдаһаар 25 жэлэй ойдо ба тойрогой 80 жэлдэ зорюулагдаа. Тойрогой аймагуудай болон Ага тосхоной можонуудые түлѳѳлһэн 110 тамиршад сугларжа, эрэшүүлэй ба эхэнэрнүүдэй хоорондо наһанай 6 бүлэгтэ хубаараад мүрысѳѳ.
Шанга тулалдаануудай эсэстэ илагшад элирээ: 18 наһан хүрэтэр - Дондок Аюров ба Туяна Будаева; 30 наһан хүрэтэр - Батор Дамдинов ба Сайжена Юндунова; 40 наһан хүрэтэр - Алдар Санзаяев ба Ханда Дамбиева; 50 наһан хүрэтэр – Сергей Цындымеев ба Елена Цыренжапова; 60 наһан хүрэтэр - Балданжап Дылгыржапов ба Баирма Дармаева; 60-һаа дээшэ – Баир Аюшиев ба Мария Норсонова. Мүрысѳѳнэй абарга илагшад - столой теннисээр тамирай мастерта кандидадууд, мүнѳѳ жэл һургуулияа түгэсхэгшэд - Дондок Аюров ба Туяна Будаева. Тэдээндэ Батор Дамдинов ба Сайжена Юндунова хоёр гартаа. Мүрысѳѳнэй тусхай шангууд тогтоогдоһон байна, тэрэ тоодо «Эрхим һоригшо» шанда мэдээжэ тамиршан Дашинима Цыденов, «Тамирай ветеран» шанда 87-той наадагша Михаил Архипов хүртѳѳ. Харин бүхы тулалдаануудай дүнгѳѳр Агын аймагай можо илагшад болоо, 2-дохи һуурида - Ага тосхонойхид, 3-дахида – могойтынхид гараа.
Дэлгэрэнгыгээр 21-дэхи дугаарта.
