Эндэ һая Забайкалиин хизаарай Ц.Жамцараногой нэрэмжэтэ номой сан соо хүүгэдэй хоорондо буряад хэлэ эршэмтэйгээр (интенсивное обучение) үзэлгэдэ зорюулагдаһан “Баян даа, түрэлхи хэлэмни!” гэһэн тойрогой мүрысѳѳн үнгэрѳѳ.
Агын 4-дэхи дунда һургуулиин үхибүүд.
Жээрэбэй ёһоор, Агын 2-дохи, 3-дахи, 4-дэхи, Амидхаашын, Могойтын 1-дэхи, Гүнэйн һургуулинуудай, Агын тойрогой гимнази-интернадай һурагшад тайзан дээрэ гараа. Мүрысѳѳн 5 шатаар үнгэрѳѳ: “Нютагай шарай”, “Оньһон үгэ оншотой”, “Хоёр хэлэ тэгшэ мэдэе”, “Һонюуша харагшадай анхаралда”, “Бидэ буряад хэлэн дээрэ хѳѳрэлдэхэ дуратайбди”. Эсэстэнь түрүүшын һуури Агын 4-дэхи дунда һургуули эзэлээ. 2-дохи һуури Могойтын 1-дэхи дунда һургуули ба Агын тойрогой гимнази-интернат хоёр хубаагаа. 3-дахи һуури Агын 2-дохи, Амидхаашын болон Гүнэйн дунда һургуулинууд эзэлээ юм.
Дэлгэрэнгыгээр 44-дэхи дугаарта.
