Ноябриин 17-18-да «Цыренов Бадма Цыреновичэй дурасхаалай кубок» гэһэн бүхэ барилдаагаар Агын Буряадай тойрогой мүрысѳѳн үнгэргэгдэхэнь.
Мүрысѳѳн 3-дахи жэлээ удаа дараалан Дулдаргада «Элеэ» гэһэн тамирай байшан соо болохо юм. Агын, Дулдаргын болон Могойтын аймагуудай наһанай гурбан хубааряар суглуулагдамал можонууд мүрысэхэ.
Тулалдаанууд ноябриин 18-ай үглѳѳнһѳѳ эхилхэ, 11 сагта нээлгын баяр ёһолол эмхидхэгдэхэ. Мүрысѳѳнэй ахамад шүүгшээр Улаан-Үдэһѳѳ уласхоорондын классай судья Эрдэм Биликтуев уригдаха гээд эмхидхэлэй хорооной ээлжээтэ зүблѳѳн дээрэ хэлэгдэбэ. Мүн лэ энэ зүблѳѳн дээрэ тус мүрысѳѳ заншаһан ёһоороо үндэр хэмжээндэ үнгэргэхын тула үшѳѳ ямар асуудалнууд шиидхэгдэхэ ёһотойб гэжэ эмхидхэлэй хорооной гэшүүд хэлсэбэ.
