Байгша һарын 18-да Ц.Жамцароногой нэрэмжэтэ номой сангай ажалтад Буряад һарын хэмжээндэ мэдээжэ зохёолшодтой уулзалга эмхидхээ.
Энэ уулзалгада уран хурса гуурһатай Б.Шагдаров, Ц.Бабуева, С.Махабадарова айлшаар ерэбэ. 1947 ондо литературна нэгэдэлэй байгуулагдаһан болон түрүүшын гэшүүд: Ц-А.Дугарнимаев, Д.Жапхандаев, А.Жамбалон, Ц.Жамбалов тухай хөөрэлдөөн болоо. Гуурһаяа туршажа эхилһэн найруулагшадай урда буряад зохёолой классикын ододой хүдэлмэринүүд жэшээ болодог ха юм.
Бүгэдэ буряадай «Толон» газетын ахамад редактораар олон жэлэй туршада хүдэлһэн. Россиин Федерациин соёлой хүдэлмэрилэгшэ Б.Шагдаров сугларагшадые амаршалаад, нэгэдэлэйнгээ ажал тухай хөөрөө.
Ш-Х.Базарсадаевагай «Түрэлхи хэлэн», Б.Гармажаповай «Асуудал», Ц.Бабуевагай «Эжы» гэжэ шүлэгүүд уранаар уншагдаа, олон хүнэй сэдьхэлэй хүбшэргэй дайраа гэхэдэ болоно. Агын телевидениин бэлдэһэн поэтесса Д.Батоболотова тухай видеосюжет харуулагдаа. Бүхэдэлхэйн шүлэгшэдэй конгресстэ хабаадаһан уран зохёолшо С.Махабадарова үгэ хэлээ, мүн видео харуулагдаа.
Забайкалиин хизаарай Ц.Жамцараногой нэрэмжэтэ номой сангай ажалтад айлшадтаа номуудые бэлэг болгон барюулһан байна.
