Хара-Шэбэр нютагта тойрогой хүдөө нютагуудай, тосхонгуудай, аймагуудай захиргаануудай толгойлогшонорой Зүбшэлгын зүблэлэй зүблөөн үнгэргэгдөө.
Зүблѳѳнэй үедэ.
Үдэрэй гаршагта шухала 3 асуудал харагдаа. Хүдөө ажахын мал тэмдэгтэй ба биркэтэй болгожо, тооень гуримшуулха ажал хизаартамнай үргэлжэлһөөр. Энэ асуудалаар хизаарай хүдөө ажахын министр Михаил Кузьминов мэдээсэл хээ. Эбэртэ бодо мал тэмдэгтэй ба биркэтэй болгохо ажал тойрогтомнай гүйсэд ябуулагдаа. Олон ажахынууд харюусалгата ажалаа үнэн сэхээр дүүргэнхэй, зарим тээ үргэлжэлһөөр лэ зандаа. Хизаар дотор малай халдабарита үбшэнгүүд дайралдаһаар. Приаргунскын ба Краснокаменскын аймагуудаар шүлхы үбшэн ехэ дэлгэрһэн. Тиимэһээ ажахынуудта малаа ондоо нютагууд руу абаашахань хорюултай. Гансал нютаг соогоо малаа үүсэлхэ аргатайбди. М.Кузьминовай хэлэһээр, малаа бүридхөөд, тарилга хэхэнь шухала. Зүблөөндэ хабаадагшад министртэ олон асуудалнуудтайгаар хандаһан байна: муу биркэнүүд малда табигдана, ветеринариин хангалтануудай сэн дээшээ болоо, мяха худалдан абагшад ондоо нютагууд руу наймаалхаа абаашахадаа, ветеринариин саарһагүйгөөр абаашана. Зүблөө хүтэлэгшэ тойрогой Захиргаанай хүтэлбэрилэгшэ Бато Доржиевай тэмдэглэһээр, удаадахи зүблөөндэ малай аргашадые уриха хэрэгтэй...
Дэлгэрэнгыгээр 44-дэхи дугаарта.
