Агын тойрогой гимнази-интернадай «Акварель» дуунай студи Красноярск хото ошожо, бүхэроссиин IV «Результат» конкурс-фестивальда хабаадаад, 2-дохи шатын дипломоор шагнагдаһан байна.
Тус хэмжээ ябуулга РФ-гэй уран урлалай түрүү бэлигтэнэй туһаламжаар үнгэргэгдэдэг. Россиин 9 регионһоо мянга гаран хүн дүрбэн номинацида «эрхим бүлгэмэй» нэрэ зэргэдэ хүртэхын тула туласалдаа. «Соло» номинацида Жэгдэн Аюрзанаев Алина Батурова хоёр нэгэдэхи шатын дипломдо хүртөө. Лауреадай хоёрдохи шатын дипломоор Сарюна Цыдыпова шагнагдаа юм. Лауреадай гурбадахи шатын диплом Кристина Бадмажабэдэ барюулагдаһан байна. Үхибүүдые гимназиин хүгжэмэй багша Жаргалма Батоева ударидажа ябаа.
