Октябриин 28-да Шэтэ хотодо Эрхэтэнэй форумой хэмжээндэ эмхидхэгдэһэн социальна талаар эгээл сэнтэй түһөө түсэбүүдэй конкурсын илагшадта мини-грантнууд барюулагдаба.
Бүхыдѳѳ 374 мэдүүлгэ ороо, харин 43-иинь лэ илажа гараа бшуу, тэдэнэй тоодо Агын Буряадай тойрогой гурбан һургуули илагшад болоо.
Агын аймагай Һүдэнтын дунда һургуули робототехникын лабораториин түһөө түсэб бэлдэһэн байна, һургуулиингаа дэргэдэ инженерно-техническэ һуралсал хүгжөөхэ, шэнжэлэлгын түб нээхэ гол зорилгонуудтай. Г.Ж.Цыбиковэй нэрэмжэтэ Урда-Агын дунда һургуули «Иголочка» гэһэн хүүгэдэй-томошуулай оёдолой зохёохы мастерскойн түһөө түсэб дурадхаа. Тэдэ уран урлалай хэмжээ ябуулгануудта үмдэхэ хубсаһа оёхо түсэбтэй. Иимэ хамтын ажал хүүгэдэй зохёохы шадабари хүгжөөхэ, зориһоноо бэелүүлжэ һургаха удхатай юм. Дулдаргын 2-дохи дунда һургуулиин лесничество «Алханайский рюкзачок» гэһэн бренд һанаһан байна. Энэнь Алханаар аяншалхадаа абаад ябахаар эгээл хэрэгтэй юумэнүүдэй суглуулбари болоно.
Дэлгэрэнгыгээр 44-дэхи дугаарта.
