Согто-Хангил нютагай ажаһуугшад бильярд наадаха дуратай юм.
Ветеранууд бильярд наадана.
Нютагай зон сүлөө сагтаа соёлой байшан соо сугларжа, үдэр бүхэндэ бильярд наададаг. Зал соо табигдаатай хоёр стол дээрэ залуушуул, наһатайшуул хубааржа мүрысэдэг. Эндэ һая Наһатайшуулай үдэртэ зорюулагдажа, олоной хабаадалгатай мүрысөөн эмхидхэгдээ. Наһанай амаралтада гараһан ажалай ветеранууд - Владимир Эрдынеев, Бальжинима Эрдынеев, Мунко-Баир Батоев, Базар-Садо Цыдыпов, Баир Жамбалов ба бусад зон эрхимээр наададаг юм. Наадагша бүхэн шан тогтоожо, өөр өөрын түлбэри оруулдаг гуримтай. Нютагай захиргаанай толгойлогшо Баир Цыдыповэй хэлэһээр, согто-хангилайхид бильярд наадалгаар Агын аймаг соогоо түрүү тоодо ябадаг гээшэ. Аймагай оло дахин абарга болоһон суутай.
Дэлгэрэнгыгээр 45-дахи дугаарта.
