Эндэнэй Агын аймагай Б-Б.Намсараевай нэрэмжэтэ номой сангай ажалтад «Общество слепых» ниитэ эмхиин хабаадалгатайгаар хараа муутай зоной үдэртэ зорюулжа, «Талант не может быть незрячим!» гэһэн хэмжээ ябуулга эмхидхээ.
Уулзалгын үедэ.
Хэмжээ ябуулгада хараа муутай 9 хүн хабаадаа бшуу. Номой сангай ажалтад айлшадаа дулаахан оршон байдалда угтан абаа. Тиин уулзалга эмхидхэгшэд сугларагшадые хараа муутай уран зохёолшодой, хүгжэмшэдэй, дуушадай, хатаршадай, багшанарай г.м. мэдээжэ, талаан бэлигтэй зоной намтартай, тэдэнэй ажалнуудтайнь танилсуулһан байна. Мүн шүлэгтэ дуратай айлшад зоной урда гаража, уран һайнаар шүлэгүүдые уншаа. Иигэжэ уулзалгада хабаадагшад аша туһатайгаар, эбтэй эетэйгээр сүлѳѳ сага үнгэргѳѳ юм.
Тиихэдэ номой сангай хүдэлмэрилэгшэд хараа муутай зониие «Белая полка» гэһэн жасатаяа танилсуулаа. Энэ жасада Брайлиин шрифтээр бэшэгдэһэн дүн хамта 114 уран зохёол бии.
Дэлгэрэнгыгээр 46-дахи дугаарта.
