«Золотые руки ангела» гэһэн бүхэроссиин hайн дуранай ниитэ хүдэлөөндэ Могойтын аймагай ажаһуугшад эдэбхитэйгээр оролсоно.

   Агын «ДалиТЭ» театрай байшан соо Будалан нютагта тоонтотой, Һүдэнтэдэ үндыһэн уран зурааша Баирма Ешидоржиевагай «Мой род – моя сила» гэһэн зурагуудай үзэсхэлэн дэлгээгдээ.

Ород Улас болон Монгол орон хоёрой хоорондо холбоо харилсаанай байгуулагдаһан 100 жэлэй ойн баяраар дашарамдуулан, Федерациин Зүблэлэй уласхоорондын хэрэгүүдээр хорооной түрүүлэгшын орлогшо, парламентын дээдэ зургаанда  Үбэр-Байгалай хизаарые түлөөлдэг Баир Жамсуевта «Алтан гадаһан» гэһэн орден барюулагдаба. Энэ орден гадаада гүрэнэй эрхэтэдтэ барюулагдадаг Монгол гүрэнэй эгээл дээдэ шагнал юм.

Монголой Юрэнхылэгшэ Халтмаагийн Баттулгын зарлигаар тус шагнал Ород гүрэндэ Монголой бүрин эрхэтэ түлөөлэгшэ Дуламсурэнгийн Даваа майн 17-до барюулаа.  

Мүн лэ энэ орденоор Федерациин Зүблэлэй Монголой парламенттай харилсадаг бүлэгэй хүтэлбэрилэгшэ Ильяс Умаханов шагнагдаа.

Дарима БАЗАРОВА.    Үбэр Байгалай засаг газарай фото.

   Мүнөө жэл июлиин 14-дэ Агын дасанай 210 жэлэй ойн баяр тэмдэглэгдэхэ.  

   Мүнөө энэ ойн баярта бэлэдхэл эхилээ. Буянта һарада дасанай горлом соо байһан гэрнүүд сэбэрлэгдэхэ, шэрдэгдэхэ, хорёо хотонь заһабарилагдаха, сэсэгүүд таригдаха. Эдэ ажалнуудые хэлсэхэ хүсэлтэй зоной хэдыдэшье дасан ошожо, туһа хүргэхэдэ болохо.

Жэлээ оруулхадаа, олон юумэ сээрлэхэнь шухала. 

Буддын шажанай заншалаар, арбан гурбанай, хорин табанай, гушан долооной, дүшэн юhэнэй, жаран нэгэнэй, далан гурбанай, наян табанай жэл оруулдаг. Ерэн долоонойнгоо жэл үсөөн хүн оруулдаг гэхэдэ, алдуу болохогүй.

 

Редакциин архивай фото.