Монгол гүрэнэй ажаһуугшадай суглуулһан энэ мүнгэн зөөри халдабарита коронавирус үбшэнтэй тэмсэлгэдэ Үбэр Байгалай хизаарта дамжуулагдаа юм.
Мүнгэ барюулха ёһололдо Монголдо мэдээжэ соёлой хүдэлмэрилэгшэ, «Нюанс» бүлгэмэй солист болохо Мүнхын Амарсанаһаа гадна буряадуудай хамтаралай гүйсэдхэхы директор Балганай Мөнхжаргал, правлениин гэшүүд – Д.Дагвасүрэн болон Монголдо буряадые шудалалгын (бурятоведение) академиин фото корреспондент Д.Батсайхан гэгшэд байгаа.
«Үбэр Байгалай хизаарай ажаһуугшадта туһаламжа үзүүлхэ мүнгэн зөөри суглуулгын соносхогдоходо, үйлэдбэринүүд, үмсын хэрэг эрхилэгшэд, буряад бүлгэмэй гэшүүд хамтын гайн ушараад байхада, миин хажуугаарнь гарахагүй, юрэл һанаагаа зобоһон зон хамһалсаа», - гэжэ Д.Дагвасүрэн тэмдэглээ.
