Олон жэлэй туршада Ага-Хангилай дунда һургуулиин хүүгэд тамирай талаар ямаршье хэмжээнэй мүрысөөнүүдтэ амжалтатай хабаададаг шуу. Булат Дандарович Дансаранов мүнөө сагай тамирай байдал тухай бидэндэ хөөрэбэ.
- Булат Дандарович, хэшээлдээ ямар онол аргануудые хэрэглэдэгбта?
- Хүнгэн атлетикэдэ анхаралаа ехээр хандуулхые оролдодогби. Юуб гэхэдэ, гүйдэг хүн тамирай алишье янзада бэлэдхэлтэй байха, эсэхэ сусахагүй. Жэл соо яагаад хүдэлхэбиб гэһэн түсэб табидагби. Системнээр хүдэлөөгүй һаа, үрэ дүн байхагүй. Мүнөө ага-хангилайхид аймаг дотороо 10 жэлэй туршада хүнгэн атлетикээр урдуур ябанабди, зургаан жэлэй туршада сэрэгэй спартакиадада түрүү һуури эзэлнэбди.
ОБЖ-гэй, физкультурыншье багша байхада, амар. 1988 оной хүүгэдтэ түрүүшынхеэ ОБЖ заажа эхилээб. Элүүр энхэ байдал сахиха, хүүгэдые эхэ нютагтань дуратайгаар хүмүүжүүлхэ, һайн хүнүүд болоһой гэһэн зорилгонуудые табидагби. Мүнөө зарим хүмүүжэмэлнүүдни омогорхохоор бэрхэ хүбүүд, басагад - контрактнигууд, сагдаанар болоод ябана. Һургуулидаа булта аймагай сэрэгэй спартакиадада хабаадаһан. Яагаад алхалхаб, буудахаб, гүйхэб, бэеэ татахаб гэжэ тэдэ һайн мэдэхэдээ, ажалдаа амжалтатай ябана. Тамирта дуратай хүн урагшаа һанаатай байдаг, хэнтэйшье хөөрэлдэжэ шададаг. Тамир бүхы зониие нэгэдүүлдэг гээшэнь энэ болоно.
Дэлгэрэнгыгээр 1-2-дохи дугаарта.
