Агын Буряадай тойрогой Захиргаанай заншалта болоһон жэлэй дүн таталгын суглаанай хэмжээндэ ажалай аша габьяа харуулһан бүлэг зондо гүрэнэй, хизаарай засаг зургаануудай, тойрогой Захиргаанай шангууд барюулагдаа.
Тэрэ тоодо гүрэнэй шангуудта - “Россиин Федерациин габьяата багша” гэһэн нэрэ зэргэдэ Могойтын аймагай Сагаан-Уулын дунда һургуулиин физикын багша Цырен-дулма Гомбоева, Россиин Федерациин Президентын Хүндэлэлэй грамотада поэт, Г.Цыбиковэй нэрэмжэтэ Агын үндэһэтэнэй музейн директорээр олон жэлдэ хүдэлһэн Батожаргал Гармажапов хүртѳѳ. Сагаан-Уулын багша гүрэнэй үндэр шанда хүртэбэ гэһэн мэдээсэл үнгэрэгшэ жэлэй ноябриин эсэстэ ерээ бэлэй. Цырендулма Цыренванжиловна Догойн дунда һургуулида суута багша С.Ральдинда физикэ заалгаһан намтартай. Тиин 1974 ондо һургуулияа дүүргэхэдээ, удаан бодомжолонгүй, Улаан-Үдын багшанарай институдай физикын таһагта ороо. Удаань дипломтой болоһон залуу мэргэжэлтэн гурбан жэлэй туршада Буряад орондо багшалаад, 1981 ондо Сагаан-Уула ерэһээр, таһалгаряагүй ажаллажа байнхай.
Дэлгэрэнгыгээр 6-дахи дугаарта.
