Бишыхан Баярто автобусто һуугаад ябахадаа, эжыһээ асууба:
- Энэ жолоошон хүүгэдтэй ха гү?
- Хүүгэдтэй байгаал юм бэзэ, - гэжэ эжынь харюусаба.
Тиихэдэнь Баярто гайхангяар һураба:
- Тиигээ һаа, юундэ минии аба автобусгүйб?
* * *
- Һамганайнгаа шэнгэжэ байхада, юундэ абараагүй гээшэбши?
- Шэнгэжэ байна гэжэ хэн мэдээ юм! Үнөөхи хашхардагаараа хашхарна гэжэ һанаалби!
* * *
Нэгэ хүн зүбшэл абахаяа юристдэ ерэхэдээ, түрүүн сэнгээрнь һонирхобо:
- Элдэб асуудалаар хандаһан зон мүнөөнэй сагаар хэдые түлэдэг юм?
- Гурбан асуудалай түлөө 3000 түхэриг абадагби.
- Даншье һаа ехэ мүнгэ эринэб гэжэ һананагүй гүт? – гэбэ хандагша.
- Үгы, тиигэжэ һананагүйб. Бүхы юристнүүд иимэрхүүл сэн абаха.
- Пэ-э, хэн мэдээб… иимэ үнэтэй болошоһон юм гү?
- Тиимэ. Гурбан асуудалдатнай үнэн сэхээр харюусабаб. Мүнгөө һарбайгты!
Долгор РАДНАБАЗАРОВА.