Официальный сайт Всебурятской газеты "Толон"
Ойн баярта бэлэдхэл
- Информация о материале
- Автор: Болот БАТОЖАРГАЛОВ.
- Категория: Һүүлэй һонин
- Просмотров: 369
Мүнөө жэл июлиин 14-дэ Агын дасанай 210 жэлэй ойн баяр тэмдэглэгдэхэ.
Мүнөө энэ ойн баярта бэлэдхэл эхилээ. Буянта һарада дасанай горлом соо байһан гэрнүүд сэбэрлэгдэхэ, шэрдэгдэхэ, хорёо хотонь заһабарилагдаха, сэсэгүүд таригдаха. Эдэ ажалнуудые хэлсэхэ хүсэлтэй зоной хэдыдэшье дасан ошожо, туһа хүргэхэдэ болохо.
Монгол гүрэнэй дээдын шагнал - Баир Жамсуевта
- Информация о материале
- Автор: Дарима Базарова
- Категория: Һүүлэй һонин
- Просмотров: 330
Ород Улас болон Монгол орон хоёрой хоорондо холбоо харилсаанай байгуулагдаһан 100 жэлэй ойн баяраар дашарамдуулан, Федерациин Зүблэлэй уласхоорондын хэрэгүүдээр хорооной түрүүлэгшын орлогшо, парламентын дээдэ зургаанда Үбэр-Байгалай хизаарые түлөөлдэг Баир Жамсуевта «Алтан гадаһан» гэһэн орден барюулагдаба. Энэ орден гадаада гүрэнэй эрхэтэдтэ барюулагдадаг Монгол гүрэнэй эгээл дээдэ шагнал юм.
Монголой Юрэнхылэгшэ Халтмаагийн Баттулгын зарлигаар тус шагнал Ород гүрэндэ Монголой бүрин эрхэтэ түлөөлэгшэ Дуламсурэнгийн Даваа майн 17-до барюулаа.
Мүн лэ энэ орденоор Федерациин Зүблэлэй Монголой парламенттай харилсадаг бүлэгэй хүтэлбэрилэгшэ Ильяс Умаханов шагнагдаа.
Дарима БАЗАРОВА. Үбэр Байгалай засаг газарай фото.
Морёор аалихан тогтоожо адуулха хэрэгтэй
- Информация о материале
- Автор: Жалсан Лубсандашиев
- Категория: Еһо заншал
- Просмотров: 356
Агын тойрогто хонин ажал хүгжөөхэ гэhэн программа абтанхай. Нэн түрүүн малда ябаһан наһатайшуулай hанамжа шагнахаар байна. Сагаан-Шулуутай нютагhаа гарбалтай ара талын ажалай ветеран Дулмажаб Далаеваһаа зүбшэл заабаринуудые һураабди. Сагаалганаар 90 наhаяа угтаhан Дулмажаб эгэшэ эли тодо харюу үгөө бэлэй.
Жалсан Лубсандашиевай фото.
Бүһэтэй хүнэй юһэн эрдэм: агнуури
- Информация о материале
- Автор: Валентина Цыренжапова
- Категория: Барбаадай
- Просмотров: 1508
Хүндэтэ үхибүүд!
Хэр угhаа хойшо бүhэтэй хүн эрын юhэн эрдэм шудалдаг байhан. Тоолобол, агнуури, нарин урлал, бүхэ барилдаан, һур харбалга, мори һургалга, ташуур томолго, hээр шаалга, түмэршэ дархан, шүдэр, тушаа зайдаха.
Ангуушад олзотой бусахын түлөө ой тайгын эзэдые гуйжа, һү сайгаа үргөөд, агнуурида гарадаг байһан. Харгыда гарахынгаа урда тээ аягаа дээшэнь шэдэдэг: аягань амhараараа дээшээ хаража унаа hаа, олзотой бусаха гэhэн тэмдэгтэй байгаа. Гэнтэ ямар бэ даа шалтагаанаар буу һүргэжэ, ан оноогүй һаань, ангуушанай шагтыень хайшалжа абадаг hэн. Тэрэ үедэ шагта үнэтэй зүйлдэ тоологдодог һэн ха.
Буряад арадай омогорхол - Бабжа-Барас баатар
- Информация о материале
- Автор: Валентина Цыренжапова
- Категория: Түүхэ
- Просмотров: 755
Бабжа-Барас баатар тухай түүхэ домогууд олон юм. Энэ хүн тухай баримтата саарhануудые бэдэрхэдэ, хэдэн тайлбаринууд гаража ерэнэ.
Цыден-Жаб Жимбиевэй «Бабжа-Барас баатар» эссе-ном hонирхол татана. Тэрэ 2010 ондо хэблэгдэhэн, уран зохёолшын hүүлшын ажал, буряадайнгаа гүнзэгы удхатай ёhо заншал, зан заршам баримталан найруулhан ном. Ном соогоо Бабжа баатарай түрэhэн үеhөө эхилээд, шэнжэлхы ажал ябуулжа, элдэб баримтануудые үзэжэ, тэрэнээ согсолжо бэшэhэн байна. «…Хёлго голой хойто эрьедэ оршодог Бада нютагта, арба дугаар рабжуунай хүхэгшэн хонин жэлдэ, европын литээр 1595 ондо боохой хуасай угай Барьяа-Мэнгэтын бүлэдэ ёhотой баатар хүбүүн түрөө бшуу» гээд Бабжа-Барас баатарай мүндэлhэн тухай бэшэhэн байна.
Редакциин архивай фото.
Страница 194 из 200